Language:
Үргэлж амжилт дагуулдаг

Ерөнхийлөгчийн мэндчилгээ

Манай групп нь Монгол улсын эдийн засгийн хөгжил, ард иргэдийн сайн сайхан байдалд томоохон хувь нэмэр оруулахуйц урт хугацааны стратегийн төслүүдийг хэрэгжүүлэхийг зорьж ажилладаг билээ.
 
"Эс & Рояал Групп Монголиа" нь 2004 онд анх үүсгэн байгуулагдсан бөгөөд одоогийн байдлаар түлш эрчим хүч, дэд бүтэц, гадаад худалдаа, тээвэр ложистикийн салбарт 4 салбар компанитайгаар үйл ажиллагаа явуулж байна.
 
Бидний үнэ цэнэ, эрхэм зорилготой санаа нийлэх аливаа түнштэй хамтран ажиллахад бид үргэлж бэлэн байх болно.
 
Хүндэтгэсэн,
 
ҮҮСГЭН БАЙГУУЛАГЧ / ЕРӨНХИЙЛӨГЧ
 
 Д.СЭРЖБҮДЭЭ

 

 

Компаниуд

"РОЯАЛ ОЙЛ КОРПОРЭШН" ХХК

Рояал Ойл Корпорэшн ХХК нь 2006 оны 04 сарын 12 ны өдөр үүсэн байгуулагдсан. Бид байгуулагдсан цагаас эхлэн Монголын түүхий нефтийг боловсруулах, түүхий нефть импортлон боловсруулах, бага оврын нефть боловсруулах үйлдвэр барих, нефтийн бүтээгдэхүүний техник, технологийн судалгааны ажлуудыг хийх зэрэг стратегийн томоохон үйл ажиллагаа явуулдаг олон жилийн туршлагатай компани юм.

 

"РОЯАЛ ЭЛЕКТРИК КОРПОРЭШН" ХХК

“Рояал Электрик Корпорэшн” ХХК нь 2017 онд Монгол улсын эрчим хүчний системийн бие даасан, тогтвортой, найдвартай, хэвийн үйл ажиллагааг хангах зорилгоор байгуулагдсан.     

Өнөөдрийн байдлаар эрчим хүчний хэрэглээ болон эх үүсвэрийн дутагдалтай байгаа бүс нутагт шаардлагатай дулааны цахилгаан станцыг шинээр барих, одоо ажиллаж байгаа дулааны цахилгаан станцыг өргөтгөх, цахилгаан эрчим хүч дамжуулах шугам барих төслүүдийг хувийн хөрөнгө оруулалтаар хийж гүйцэтгэх төслүүд дээр ажиллаж байна.

Бид дэлхийд тэргүүлэх, байгаль орчинд ээлтэй, сүүлийн үеийн дэвшилтэт техник, технологийг салбартаа нэвтрүүлэн нутагшуулах, эрчим хүчний системийн аюулгүй, бие даасан байдлыг хангаж, салбарын үйл ажиллагааны эдийн засгийн үр ашгийг нэмэгдүүлэн, урт хугацаанд тогтвортой, найдвартай ажиллах боломжийг хангах зорилтыг тавин эрчим хүчний төслүүдийг хэрэгжүүлэх өндөр чадамжтай, салбартаа танигдсан удирдлагын болон техникийн баг бүрэлдэхүүнээр ажиллаж байна.

"УЛААНБААТАР ХИЙН СҮЛЖЭЭ" ХХК

ГАЗКОМ ХХК болон Улаанбаатар Хөгжлийн Корпораци ХК хамтран нийслэл хотод олон жилийн турш тулгамдаж буй агаарын бохирдолыг бууруулах, арилгах үндсэн зорилгоор төр хувийн хэвшил хамтарсан  “Улаанбаатар Хийн Сүлжээ” компанийг 2020 онд үүсгэн байгуулсан.

"ГАЗКОМ" ХХК

"Газком" ХХК нь Монгол улсад олон жилийн турш нүүрлээд буй агаарын бохирдлыг арилгах зорилгоор 2013 онд үүсгэн байгуулагдсан. Үүссэн цагаасаа эхлэн хүлэмжийн хийг багасгах байгальд ээлтэй, цэвэр технологийг хэрхэн нэвтрүүлэх талаар судлан, үүнтэй холбоотойгоор олон төсөл, хандивуудыг гадаадын компаниудтай хамтран хэрэгжүүлж байна.
 
Ийнхүү Улаанбаатар хот төдийгүй цаашлаад 21 аймаг, 330 сумыг хамрах зорилготой "Хийн Шийдэл" төслөө 2018 онд эхлүүлж, амжилттай хэрэгжүүлэн ажиллаж байна. Бид ISO14001 стандартыг мөрдөж, аюулгүй ажиллагаа тал дээр дэлхийд тэргүүлж буй Япон технологийг Монголдоо нутагшуулан, газар зүйн байршил, цаг уур, объектын хэмжээг үл харгалзан хийн халаалтын тоног төхөөрөмжийн худалдаа, суурилуулалт, хийн хангамж, засвар, ашиглалтын цогц үйлчилгээг үзүүлдэг.
 
2019 онд гэр хорооллын айл өрх, хаус, ААН, төрийн өмчит сургууль, цэцэрлэгийн цогцолбор, улсын байгууллагын нийт 34 объектуудыг хийн халаалтад амжилттай шилжүүлсэн.
 
2020 онд манай компани нь нийгмийн хариуцлагын хүрээнд төрийн өмчит 26 объектыг өөрийн хөрөнгө оруулалтаар, мөн 50 гаруй объектуудыг хөнгөлөлттэй үнээр хийн халаалтад шилжүүлэх ажлыг зохион байгуулж байна.
 

 

Мэдээ мэдээлэл
Хамтрагч байгууллагууд
Эрхэм зорилго
Манай групп нь Монгол улсын эдийн засгийн хөгжил, ард иргэдийн сайн сайхан байдалд томоохон хувь нэмэр оруулахуйц урт хугацааны стратегийн төслүүдийг хэрэгжүүлэхийг зорьдог билээ.
Санал хүсэлт
Холбоо барих
#36, Grand office, Jamiyan gun street 10, 1st Khoroo, Sukhbaatar district, Ulaanbaatar, Mongolia
+976 77033030
info@royalgroup.mn
2026 он © Зохиогчийн Эрх Хуулиар Хамгаалагдсан.